لن ننسى شهداء القديسين.. مهما فاتـت سنيـن وسنيـن/ مهندس عزمي إبراهيم

كتبتها مصـر.. بالدموع والـدم.. صباح أول يناير 2011، إثـر الاعتداء الإرهـابي
على كنيسة القديسين بالإسكنرية عند نهاية الاحتفال بقداس رأس السنة
***
عفارم عليك يا بطل
عفــارم عليــك يا بَطــَــل
برافـــو عليــك يا شـَهـْــم
كان نفسي أحييك بإسـمَك
لكــن... ما لكـشي إســْــم
***
قتلـت طفــــل بــرئ *** وسَرَقت الحياة مِنـّـه
وقتلت كهـل عجـوز *** بـلا احتــــرام سِـنــّه
وقتلــــت أب وأمْ
يتـِّمـْـت أطفالـهمْ
دا غير شباب وصبايا.. قتلتـهمْ
وقتلـت آمالـهمْ
وقتلت كاهـن بيرشــد ويعلــّم الأخـــلاق
قتلتــهم في سـاعة ما بيعبـدوا الخــَـلاق
لا كان في إيـدهـم سـلاح *** ولا بيهتفــوا بالحَـــــرْبْ
كانـت قلوبـــهم  شـمـوع *** نـورهـا رجـــــاء للــرَّبْ
بيرتلـــوا للســـــــــــــلام *** ويبشــروا بالحُــــــــــبْ
***
كانــوا بيسجـدوا للــــــه *** "الواحــــد" الرحمــــان
قضِيت عليهم في لحظـة *** يا كــــــاره الإنســــــــان
العـــار عليــك يا نــَـــدل *** العــار عليــك يا جبــــان
مش عايـز أقـول إنسـان *** ولا عايـز أقـول حيــوان
مش عايز أقولها عشان *** إهـانــــــــة للحـيــــــوان
***
عفــارم عليـك يا شـَهـْـم *** يللي... ما لكـشي إســْــم
ما لكشي إســـم عشــان
في الأصـل انـت جبــــان
***
ضحكـوا عليـك تجــــار السـمـــوم والــــــدم
ضحكوا عليك سماسرة خلطوا الديــانة بســم
وَعَـدُوك حتروح السـما تبـقى بطـَـل وشهيــد
وحيبقى يومـك هنـاك يــوم احتفـال أو عيـــد
وصَدَّقتهم يا حمـار
يا لعبــة السمسار، يا إصبـع الأشــرار
وأرخص بضــاعـة... لأســوأ التجـــار
ومالكـش قيمـة في عُرفــُهم يا حمــار
***
بتنافـس الشيطـــان
وتـدَّعي الإيمـــــان
عنـدي سـؤال، قـولـّي.. لـو رُحــت للرحمــان
تقــف أمامـه إزاي ودم الأبريـــاء في إيديـــك
واللــه بعدلــه وجلالــه إزاي حيرضى عليــك
قتـلـت من غيـر سـبب خـَلـْقــُـه وصُنـْـع يديــه
ضحكوا عليك السماسرة وجاي تضحـك عليـه
وتقـول بتـؤمـن بيـه!؟ُ
***
ضحكـوا عليـك السماسـرة
مشَـوّهــوا الأديـــان
خـــَـــدَّروك بكــــــــلام *** دفعــوك على الإجــرام
والدافـِـع مع المدفــوع *** حِمـْـــل على الإســـلام
***
أما انــــت ياخيبــــــــان
مـُــت.. لا انــت شهيــــد *** ولا احتفــال ولا عـيـــــد
واللــــــه حيستـقـبـــــلك *** يشـويك بنـــار وحديــــد
العـــار عليـك ياجبــــان
*****

CONVERSATION

0 comments:

إرسال تعليق